Aqtóbede nóser jaýynnan soń kóshelerdi sý basty
Aqtóbe qalasynda nóser jaýyn jaýyp, kóshelerdi sý basty. Tipti kólik jol boıynda turyp qaldy, dep habarlaıdy Kazinform.
Aqtóbe qalasy Batys-2 shaǵyn aýdanynda kóshelerdi sý basty. Nóser jaýyn kezinde kólikter jol boıynda toqtap qalǵan. Aqtóbe qalalyq ákimdigi sý sorý jumystaryna 50-den assenızator jumyldyrylǵanyn habarlady.
Posmotret etý pýblıkatsııý v Instagram
"Jaýyn-shashynnyń mol túsýine baılanysty kesheden bastap barlyq qalalyq kommýnaldyq qyzmetter kúsheıtilgen jumys rejımine kóshti. Osyǵan baılanysty qala aýmaǵynda sý jınalatyn jerlerde sýdy sorý jáne burý jumystary júrgizilip jatyr. Jelide 50-den astam assenızator mashına jumys istep jatyr. Jaýyn-shashyn údeı tússe, tehnıka sany kóbeıedi. Al Batys-2 shaǵyn aýdany Mustafa Shoqaı kóshesinde sýaǵarlar bar, tazartylǵan. Soǵan qaramastan jaýyn saldarynan jınalǵan sý jolǵa jaıyldy. Sebebin anyqtaý kezinde sýyǵardy qurylys materıaldarymen bitep tastaǵany anyqtaldy. Qaıta tazartý jumystar júrgizildi. Jol boıynda assenızatorlar jumys istep jatyr. Turǵyndardan aryqtarǵa qoqys tastamaýdy suraımyz", - dedi qalalyq TÚKSh jáne jolaýshylar kóligi jáne avtomobıl joldary bóliminiń basshysy Bolat Serikov.
Injener-sınoptık Aıda Tileýbergenovanyń aıtýynsha, búgin jáne erteń kúndiz-túnde jaýyn jaýady. Tuman túsýi yqtımal.
"29 qazanda jańbyr, al 30 qazan kúni qar aralas jańbyr jaýdy dep kútilip otyr. Jeldiń jyldamdyǵy sekýndyna 15-20 metrge jetedi", - dedi Aıda Tileýbergenova.
