Aqtóbede nesıe uıymynyń qyzmetkerin tapanshaǵa uqsas zatpen qorqytqan kúdikti ustaldy

AQTÓBE. QazAqparat – Aqtóbede shaǵyn nesıe berý uıymynyń qyzmetkerin qorqytyp, kassada bar aqshany alyp ketken kúdikti ustaldy.

Oblystyq polıtsııa departamenti tonaý kezindegi beınematerıaldy jarııalady, dep habarlaıdy QazAqparat tilshisi.

Belgisiz bireý shaǵyn nesıe berý uıymynyń keńsesine kirip, 22 jastaǵy qyzmetkerdi tapanshaǵa uqsas zatpen qorqytqan. Sóıtip 74 000 teńge aqshany alyp ketken.

«Oqıǵa ornyna polıtsııa jasaqtary jiberilip, jedel-izdestirý sharalary negizinde 23 jastaǵy kúdiktini ustady. Ustalǵan adam istegen áreketin tolyǵymen moıyndady. Qylmystyq kodekstiń «Tonaý» baby boıynsha sotqa deıingi tergep-tekserý júrgizilip jatyr. Ózge málimetter tergeýge baılanysty jarııa etilmeıdi», - dedi oblystyq PD baspasóz qyzmetiniń jetekshisi Erbolat Sarqulov.