Aqtóbede neke saraıynda kóz jumǵan áıeldiń balalary sábıler úıine ornalastyryldy
AQTÓBE. KAZINFORM — Aqtóbe qalasyndaǵy neke saraıynda pyshaq jaraqatynan kóz jumǵan áıeldiń eki balasy «Úmit» mamandandyrylǵan sábıler úıine ornalastyryldy.
Qaıǵyly oqıǵa 3 qarasha kúni túste bolǵan edi. 26 jastaǵy áıel alǵan jaraqatynan oqıǵa ornynda kóz jumdy.
— Atalǵan jaǵdaı balalar quqyǵyn qorǵaý jónindegi basqarmanyń jáne quzyrly organdardyń baqylaýynda. Balalarǵa qatysty qabyldanatyn aldaǵy sheshimder zańmen belgilengen tártipte jáne kámeletke tolmaǵandardyń quqyqtary men zańdy múddelerin eskere otyryp qabyldanatyn bolady, — dedi Aqtóbe oblystyq balalardyń quqyqtaryn qorǵaý basqarmasynyń basshysy Amangeldi Qonaqbaev.
Kúdikti retinde marqumnyń azamattyq nekedegi kúıeýi ustaldy. Atalǵan derek boıynsha adam óltirý babymen qylmystyq is qozǵaldy. Aldyn ala málimet boıynsha, ekeýiniń arasynda ata-ana quqyǵynan bas tartý máselesine qatysty janjal týyndaǵan.
Buǵan deıin Quryltaıdyń jalpy otyrysynda depýtat Snejanna Imasheva qylmys saldarynan zardap shekken jábirlenýshilerge tólenetin ótemaqyny qaıta qaraý máselesin kótergenin jazǵan edik.
