Aqtóbede naızaǵaı túsken qamys alqaby órtenip jatyr

AQTÓBE. QazAqparat – Aqtóbe oblysy, Áıteke bı aýdany, Belqopa aýyly mańynda qamys órtenip jatyr. Órt aýmaǵy 50 gektarǵa jetti, dep habarlaıdy QazAqparat tilshisi.

Áı̆teke bı aýdanynyń Belqopa aýyly mańynda órt shyqty. Qamysty alqaptyń tórtten bir bóligi janyp ketken. Aýmaǵy 50 gektardy qurady. Qazir órt sóndirilip jatyr. Barlyǵy 7 tehnıka men 23 adam jumyldyryldy.

«Keshe jańbyr jaýdy, naızaǵaı tústi. Boljam boıynsha órt sodan shyǵýy múmkin. Kórshi aýyldarǵa qaýip joq. Qamystyń bıiktigi 5-6 metr. Tútinniń qoıý bolýy sondyqtan. Mundaı oqıǵa 2012 jyly da tirkelgen bolatyn», - dedi TJD bastyǵy Marǵulan Amanbaev. Aqtóbe qalasynan da qosymsha kúsh jiberildi.

«Belqopa aýylynyń janynda aýmaǵy 400 gektar bolatyn qamys alqaby bar. Onyń 50 gektary órtenip ketti. Órt sóndirýshiler jedel jetip, sol jerde jumys istep jatyr. Oblystyq TJD bastyǵy Marǵulan Amanbaev, aýdan ákiminiń orynbasary men eriktiler sol jerde. Aýylǵa qaýip tónip turǵan joq. Qamys arasynda adam da, tehnıka da kire almaıdy. Ári batpaq. Aýylǵa órt jetpeýi úshin traktormen jan-jaǵyn jyrtyp jatyrmyz», - dedi Aqtóbe oblystyq TJD bastyǵynyń orynbasary Asqar Tólesho v.