Aqtóbede naýqas pen dáriger arasyndaǵy janjaldan soń qyzmettik tekserý bastaldy
AQTÓBE. QazAqparat - Aqtóbede jedel járdem aýrýhanasyna baryp, keıin dárigermen sózge kelgen naýqas barlyq beınetúsirilimdi áleýmettik jelige jarııalap jiberdi. Qazirgi ýaqytta qyzmettik tekserý bastaldy, dep habarlaıdy QazAqparat tilshisi.
Elmıra Jetpisbaeva aldymen emhanaǵa baryp qaralady. Sol jerde denesi qurysa bastaǵan soń dárigerler jedel járdem shaqyryp, naýqas oblystyq jedel járdem aýrýhanasyna jetkiziledi.
«Dáriger meni kórdi de «jaqynda jatyp ketti» dep dóreki sóıledi. Bir oryndyqqa otyrǵyzyp, «psıhıatr shaqyramyn» dep qorqytty, mazaq etti. Sol kezde uıaly telefonyma túsire bastadym. Men túsire bergen soń kelip, betimnen qatty urdy. Telefonymnyń aldyńǵa áınegi synyp qaldy», - dep jazdy Elmıra Jetpisbaeva.
Qazir osy oqıǵaǵa qatysty qyzmettik tekserý bastaldy.
«1995 jylǵy naýqas E.Jetpisbaeva oblystyq jedel járdem aýrýhanasyna 14 jeltoqsan kúni saǵat 17:54-te tústi. Jedel járdem qyzmeti feldsheriniń habarlaýynsha, shaqyrý №1 emhanadan tústi. Aýrýhananyń qabyldaý bóliminde nevrolog qarap shyqty. Sol kezde naýqas beınekamerany qosyp, túsire bastaǵan. Dáriger túsirilimdi toqtatýdy surap, eskertý jasady. Qazirgi kezde osy oqıǵaǵa qatysty oblystyq jedel járdem aýrýhanasynyń ákimshiligi qyzmettik tekserýdi bastady», - dep habarlady oblystyq jedel járdem aýrýhanasynyń ákimshiligi.
Men jetpısbaeva Elmıra 1 palenıkadan sýdrga ýstap vrachtar skorı shakyrgan skorı menı alyp kettı. BSP ga apardy sol kezde my na Akerke degen vrach boldy.Menı kordın de myna kyz jakynda jatyp kettı dep dorekı soıledı.Menı bar stolga otyrgyzdy.Menı psıhator shakyrtamyn dep korkytty,kýlıp mazak kylyp otyrdy. Men vıdoga týsıre bastadym solkede magan sotkamdy kordı de sotkandy al dep aıty men jok dep edım kasyma kelde menı betımnen katty ýrdy men kýlap kaldym sotkamnyn betı syndyp kaldy Akerke kasyndagy adamdarga sotkamyn alyp vıdony oshır dep aıtyp jatyr eken menı tagy ýrmasyn dep katty kysyp shashynan ýshtap aldym
