Aqtóbede nan óndirýshiler baǵany ózara kelisimmen kótergen bolýy múmkin
AQTÓBE. QazAqparat – Básekelestikti qorǵaý jáne damytý komıtetiniń Aqtóbe oblystyq departamenti taldaý jasap, nan óndirýshiler baǵany ózara kelisimmen kótergen bolýy múmkin degen qorytyndyǵa keldi, dep habarlaıdy QazAqparat tilshisi.
Aqtóbe qalasynda nan baǵasy qazan aıynyń orta tusynda 2 teńgege kóterildi. Básekelestikti qorǵaý jáne damytý komıtetiniń oblystyq departamenti basshysy Saǵyndyq Erǵalıevtiń aıtýynsha, nan óndirýshilerdiń baǵany birinen soń biri qymbattatýy kúdik týdyrǵan.
«Suranys berip, derekterdi alyp, taldaý jasaldy. Básekelestik zańdylyqtaryn saqtamaǵan belgiler anyqtalyp tur. Sebebi tórt nan óndirýshi qazan aıynda birinen soń biri baǵany kóterdi. Ári aýyl sharýashylyǵy mınıstrligi elimiz boıynsha nan baǵasy qymbattaýy múmkin dep boljam aıtqanda kelesi kúni nan baǵasy ósti. Nan óndirýshilerge eskertý berildi. Endi olar baǵany qambattatsa, onyń naqty sebebin, negizin túsindirmese tergeýge shyǵamyz. On kún berildi», - dedi Básekelestikti qorǵaý jáne damytý komıtetiniń oblystyq departamenti basshysy Saǵyndyq Erǵalıev.
