Aqtóbede «Myń bala» olımpıadasynyń jeńimpazdary marapattaldy
AQTÓBE. QazAqparat - Aqtóbede «Elbasy Medali» jobasy men «Myń bala» ulttyq zııatkerlik olımpıadasynyń jeńimpazdary marapattaldy, dep habarlaıdy QazAqparat tilshisi oblys ákiminiń baspasóz qyzmetine silteme jasap.
«Myń bala» ulttyq zııatkerlik olımpıadasynyń birinshi kezeńine Aqtóbe oblysy boıynsha 8 myńnan astam oqýshy qatysty. Matematıka, jaratylystaný, ınformatıka, qazaq tili, orys tili jáne aǵylshyn tili pánderinen 200 oqýshy olımpıadanyń ІІ kezeńine ótti. Sonyń 34-i jeńimpaz atandy. Al Áıteke bı aýdany Basqudyq orta mektebiniń oqýshysy Keńshilik Erqanat jáne Mártók aýdany Hazretovka orta mektebiniń oqýshysy Álıbek Álı «Eń úzdik 30 oqýshy» tizimine endi. Olar daryndy balalarǵa arnalǵan Aqtóbe oblystyq mamandandyrylǵan «Bilim-ınnovatsııa» lıtseı-ınternatyna qabyldandy. Jeńimpazdar Nursultan Nazarbaev qory jibergen noýtbýkterdi aldy.
Aıta keteıik, «Elbasy» medali» jobasynyń kúmis deńgeıi boıynsha Aqtóbe oblysynyń jeńimpazdary ishinen 10 qatysýshyǵa Nursultan Nazarbaev qorynyń tarapynan jiberilgen 10 jeńimpazǵa qola medal men tósbelgi tabystaldy.
