Aqtóbede munaıshylar mingen avtobýs apatqa ushyrap, eki adam kóz jumdy
AQTÓBE. QazAqparat - Aqtóbe oblysynyń Pokrovka-Jańajol baǵytyndaǵy jolda avtobýs pen júk kóligi soqtyǵysyp, eki adam kóz jumdy, dep habarlaıdy QazAqparat tilshisi.
«17 jeltoqsan kúni saǵat 18:45-te munaı kompanııasyna tıesili «PAZ« markaly avtokóliginiń 59 jastaǵy júrgizýshisi Jarqamys aýylynan Aqtóbe qalasyna baǵyt alǵan. Pokrovka-Jańajol avtojolynyń 13-shaqyrymynda kedergi men qaýip týyndaǵanda ol jyldamdyqty tómendetpeı, jol boıynda turǵan «KamAZ« markaly kólikpen soqtyǵysty», - dedi oblystyq Polıtsııa departamenti baspasóz qyzmetiniń jetekshisi Erbolat Sarqulov.
Jol-kólik apaty saldarynan eki jolaýshy oqıǵa ornynda kóz jumyp, úsheýi Qandyaǵash qalasynyń ortalyq aýrýhanasyna túrli jaraqatpen jatqyzyldy. Qazir tergeý júrip jatyr.
Eske salsaq, bir apta buryn Aqtóbede vahtalyq ádispen jumys isteıtin munaıshylar mingen kólik aýdarylyp qaldy. Birneshe adam aýrýhanaǵa tústi.
