Aqtóbede munaıdy zańsyz tasymaldaǵan qylmystyq topqa úkim shyqty
AQTÓBE. QazAqparat - Aqtóbe oblystyq qylmystyq ister jónindegi mamandandyrylǵan aýdanaralyq sotynda Qazaqstan jáne Belarýs azamattaryna qatysty is qaraldy. Olar munaıdy zańsyz tasymaldap, satýmen aınalysqany úshin aıypty dep tanyldy, dep habarlaıdy QazAqparat tilshisi.
Aqtóbe oblystyq qylmystyq ister jónindegi mamandandyrylǵan aýdanaralyq sotyna A. Qojaǵalıev, A.Kóshkinbaev, E.Ótenııazov, S.Raev jáne Belarýs azamaty S.Kýntsevıchke qatysty qylmystyq is qaraldy. Olarǵa Qylmystyq kodekstiń «Munaıdyń jáne munaı ónimderiniń shyǵarylý zańdylyǵyn rastaıtyn qujattarsyz olardy tasymaldaý, ıemdený, ótkizý, saqtaý, sondaı-aq munaıdy qaıta óńdeý», «Transulttyq uıymdasqan top, transulttyq qylmystyq uıym qurý jáne olarǵa basshylyq etý, sol sııaqty olarǵa qatysý» baptary boıynsha aıyp taǵyldy.
Búgin sotta úkim oqylyp, munaıdy zańsyz tasymaldap, satqandar bas bostandyqtarynan aıyryldy. Sot úkimimen sottalýshy Almaz Qojaǵalıev 19 jylǵa bos bostandyǵynan aıyryldy. Sottalýshy jazasyn qylmystyq atqarý júıesiniń qaýipsizdigi joǵary mekemesinde óteıdi. Ol «Aqtóbe munaı óńdeý» JShS-niń marketıng jónindegi dırektory bolyp jumys istegen.
«Inter Oıl Eksport» JShS dırektorynyń orynbasary, Belarýs azamaty Sergeı Kýntsevıch aıypty dep tanylyp, 17 jylǵa bas bostandyǵynan aıyrylsyn. Jazasyn qylmystyq atqarý júıesiniń qaýipsizdigi joǵary mekemesinde ótesin. Azamat Kóshkinbaev 4 jylǵa bos bostandyǵynan aıyrylyp, jazasyn qaýipsizdigi ortasha túzetý mekemesinde ótesin», - dedi sýdıa Altynbek Sabyrov.
Aıta keteıik, TShO kompanııasynda operator bolyp jumys istegen sottalýshy Edýard Ótenııazov ta 4 jylǵa bas bostandyǵynan aıyryldy. Al salyq tóleýden jaltardy dep aıyptalǵan Sadyq Raev bostandyqta qaldy. Ol memleket aldyndaǵy qaryzyn túgel ótegen.
Sot úkimimen sottalýshylar «Qazaqstan temir joly» UK» AQ-na 34 mıllıon teńgeden astam materıaldyq shyǵyndy óndiredi. Sonymen qatar, sottalýshylar A. Qojaǵalıev, A.Kóshkinbaev, E.Ótenııazov, jáne S.Kýntsevıch ulttyq kompanııanyń júk tasymalyna 107 mıllıon teńge materıaldyq shyǵyndy tóleıdi.
Qazaqstannan Qyrǵyzstanǵa munaı ónimderi ataýymen taza munaı tasymalǵan top memleketke 1,3 mıllıard teńge shyǵyn keltirdi. Sot úkimi kúshine engen joq. Aıyptalýshy tarap apellıatsııalyq shaǵym túsiretinin málimdedi.
