Aqtóbede munaı qaldyqtaryna arnalǵan rezervýar janyp jatyr
AQTÓBE. QazAqparat – Aqtóbe oblysy, Muǵaljar aýdany, Jańajol aýylynda munaı qaldyqtaryna arnalǵan rezerýar órtenip jatyr, dep habarlaıdy QazAqparat tilshisi.
Aqtóbe oblystyq tótenshe jaǵdaılar departamenti oqıǵa ornynda órt sóndirýler jumys istep jatqanyn habarlady.
«Keleńsiz jaǵdaı «SNPS-Aqtóbemunaıgaz» AQ terrıtorııasynda boldy. Aýmaǵy 3 myń tekshe metr bolatyn munaı qaldyqtaryna arnalǵan rezervýar órtendi. Barlyǵy 8 tehnıka men 35 adam jumyldyryldy. Aqtóbe qalasynan taǵy 5 tehnıka men 25 qyzmetker jiberildi. Zardap shekken adam joq», - dedi oblystyq TJD baspasóz qyzmeti.
