Aqtóbede múgedektigi bar 500 adam baspana alý quqyǵynan aıyrylǵan

ASTANA. KAZINFORM — Aqtóbe qalalyq prokýratýrasy qalalyq jumyspen qamtý jáne áleýmettik baǵdarlamalar bólimin tekserý barysynda 1-shi jáne 2-shi toptaǵy múgedek 500 adamnyń baspanaǵa muqtajdar retinde tirkelmegendigin anyqtady. Bul týraly vedomstvonyń baspasóz qyzmeti málim etti.

Bul derekter múmkindigi shekteýli adamdardyń quqyqtaryn buzý sanalady. Sebebi kezekke tirkeý — olardy qoljetimdi baspanamen qamtamasyz etýdiń kepili.

Zańǵa sáıkes, jeke baspanasy joq múgedekter keıinnen áleýmettik baspana alýdy nemese ómir súrý jaǵdaılaryn jaqsartý úshin memlekettik qoldaý alýdy qajet etetinderdiń tiziminde bolýǵa quqyly.

— Sonymen qatar, Konstıtýtsııa kúnine oraı 39 múgedekke 1 950 000 teńge kóleminde áleýmettik kómek kórsetpeý, sondaı-aq 17 azamatqa 850 000 teńge kóleminde bir rettik tólem tólemeý derekteri anyqtaldy. Sondaı-aq, 1-shi toptaǵy múgedekterge jeke ońaltý baǵdarlamasyn ázirlemeý jáne 200 JOB-syn iske asyrmaýdyń 152 derekteri anyqtaldy. Qazirgi ýaqytta múgedekterdiń quqyqtary qalpyna keltirilip, olar baspana esebine alynyp, barlyq qajetti tólemder óteldi, — delingen qalalyq prokýratýra habarlamasynda.

Eske salsaq, budan buryn Aqtóbede depo bastyǵy para alyp sottalǵany belgili boldy.