Aqtóbede múgedek qyzdy zorlaǵan týysy ustalyp, is sotqa joldandy
AQTÓBE. QazAqparat – Aqtóbede ІІ top múgedegin týysy zorlap kelgen, dep habarlaıdy QazAqparat tilshisi.
«Nemolchı» qoǵamdyq qorynyń ókili Dına Tańsári áleýmettik jelidegi paraqshasynda jábirlenýshiniń týystary habarlasyp, kómek suraǵanyn jazdy.
«1966 jyly týǵan er adam múmkindigi shekteýli týysynyń úıine baryp, oǵan qamqor bolyp, massaj jasaýǵa kómektesip júrgen. Ol osy jaǵdaıdy paıdalanady dep eshkim oılamaǵan. Jábirlenýshi týabitti sal aýrýyna shaldyqqan, qulaǵy estimeıdi. Dementsııa aýrýymen esepte tur, basqa da túrli psıhıkalyq derti bar. Bir kúni anasy qyzyna týysynyń kelgeni unamaıtynyn, ony kórse mazasy ketetinin baıqaıdy. Ym tilimen sóılese kele mán-jaı belgili boldy. Keıin sýrdoaýdarmashynyń kómegimen barlyǵy anyqtaldy. Sot-medıtsınalyq saraptama kezinde de týysynyń is-áreketi naqtylandy. Al týysy mundaı jaǵdaı tek bir-aq ret bolǵanyn, qyzdyń ózi jabysqnyn aıtady», - dep jazdy Dına Tańsári.
Aqtóbe oblystyq polıtsııa departamenti baspasóz qyzmetiniń jetekshisi Erbolat Sarqulovtyń aıtýynsha, tergeý jumystary aıaqtalyp, is sotqa jiberilgen.
Іs Qylmystyq kodekstiń «Zorlaý» baby boıynsha qozǵalǵan.
