Aqtóbede muǵalimniń denesi tabyldy
AQTÓBE. KAZINFORM — Qazir polıtsııa mán-jaıdy anyqtap jatyr. Muǵalim Temir aýdany Eńbekshi aýylyndaǵy mektep-balabaqshaǵa bir jyl buryn ǵana aýysyp barǵan.
Oqıǵa Aqtóbe oblysy Temir aýdany Eńbekshi aýylynda boldy.
— Temir aýdandyq polıtsııa bólimi 2002 jyly týǵan azamattyń ólimine qatysty sotqa deıingi tergep-tekserýdi bastady. Tergeý barysynda oqıǵanyń barlyq mán-jaıy anyqtalatyn bolady. Tergeý múddesine sáıkes ózge aqparat jarııa etýge jatpaıdy, — dep habarlady Aqtóbe oblystyq PD baspasóz qyzmeti.
Al Aqtóbe oblystyq bilim basqarmasynyń habarlaýynsha, jas maman byltyr ǵana mektep-balabaqshaǵa aýysyp, tarıh páninen sabaq berdi.
— Ol tarıh pániniń muǵalimi. Eńbek jolyn Marjanbulaq aýylynan bastaǵan. 2025 jyldyń aqpanynan bastap Eńbekshi mektep-baqshasynda jumys istedi. Jumysyn jaýapkershilikpen atqardy, basshylyq tarapynan eskertýler bolmady, — dep habarlady Aqtóbe oblystyq bilim basqarmasy. Muǵalimniń denesi aýylda ózi turatyn úıden tabylǵan.
Eske salsaq, 2025 jyldyń jeltoqsan aıynda Temir qalasynyń ákimi Erkin Dalmaǵambetov óz úıinde óz-ózine qol jumsady. Ol qyzmetke 2024 jyly saılanǵan.