Aqtóbede muǵalimder men polıtseılerge vaktsına salyna bastady
AQTÓBE. QazAqparat – Aqtóbe oblysynda polıtsııa qyzmetkerleri men pedagogtar vaktsına ala bastady, dep habarlaıdy QazAqparat tilshisi.
Aqtóbede medıtsına qyzmetkerlerimen birge muǵalimder de vaktsına qabyldaı bastady. Búgin oblystyq bilim basqarmasynyń basshysy Joldas Batyrhan ekpe saldyrdy.
«Aldymen medıtsına salasynyń qyzmetkerleri qabyldady. Keri áseri bolmady, báriniń jaǵdaıy jaqsy. Kezek bizge keldi. Men ózim birinshi bolyp vaktsına qabyldadym. Densaýlyǵym jaqsy, alǵashqy sátte vaktsınanyń jaǵymsyz áseri baıqalmady. Bir eskere keterlik jaıt, eshkimdi májbúrlemeımiz. Áriptesterimniń arasynda bas tartqandar bolmady», - dedi Joldas Batyrhan.
Aıta keteıik, Aqtóbe oblysy boıynsha barlyǵy 25 orynda vaktsına salynýda. Ekpe júrgizetin medtsına qyzmetkerleri aldyn ala biliktiligin arttyrdy.
«№1 Aqtóbe qalalyq emhanasynda 250 medıtsına qyzmetkeri ekpe qabyldady. Al búgin ekinshi kezeńi bastaldy. Aq halattylarmen birge muǵalimder jáne polıtsııa qyzmetkerleri keldi. Bizdiń aýmaqta 13 myń adam bar. Ázirge eshkim bas tartyp jatqan joq. Bári «Spýtnık V» vaktsınasyn alady», - ımmýnolog-dáriger Nurgúl Bısenǵalıeva.
