Aqtóbede mototsıkl aýdarylyp, júrgizýshi kóz jumdy
AQTÓBE. QazAqparat - Aqtóbeniń Baıǵanın aýdanynda mototsıkl aýdarylyp, júrgizýshi kóz jumdy, dep habarlaıdy QazAqparat tilshisi.
Baıǵanın aýdanynyń 49 jastaǵy turǵyny memlekettik tirkeý nómiri joq «Ýral» markaly mototsıklimen Oımaýyt aýylyna baǵyt alǵan.
Sol kezde rýlge ıe bola almaı, kólik quralynyń qozǵalysy barysynda oń jaqqa aýdarylyp ketken.
Jol-kólik oqıǵasy saldarynan mototsıkl júrgizýshisi Oımaýyt aýylynyń medıtsınalyq ambýlatorııasyna jetkizilgen, keıin sol aýrýhanada kóz jumdy.
«Aqtóbe oblysynyń polıtsııa departamenti kólik júrgizýshilerinen jol qozǵalysy erejelerin saqtaýdy suraıdy»,- dedi oblystyq PD baspasóz qyzmetiniń jetekshisi Erbolat Sarqulov.
