Aqtóbede monsha men qonaqúılerdiń jumysy jandanady
AQTÓBE. QazAqparat – Aqtóbe qalasynda 11 mamyrda karantın rejımin jeńildetýdiń úshinshi kezeńi bastalady. Kásipkerliktiń bes baǵyty boıynsha ruqsat berilip jatyr, dep habarlaıdy QazAqparat tilshisi.
Oblystyq kásipkerler palatasynyń dırektory Anar Darjanovanyń aıtýynsha, monsha, saýna, kempıng, qonaqúı men hostelder jumysyn bastaıdy.
«Túsindirý jumystary júrgizildi. Eń aldymen sanıtarlyq-epıdemıologııalyq talapty saqtaýy tıis. Jumysshylardy qorǵanysh quralymen qamtamasyz etý mindetteledi. Arnaıy ruqsat alý mobıldi qosymsha arqyly iske asyrylyp jatyr», - dedi A.Darjanova.
Qazirgi kezde qalada iri bazalar jabyq tur. Oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaevanyń aıtýynsha, ázirge shtab sheshimi shyqpady.
«Óte kóp adam baratyn jer áli de qaýipti. Sondyqtan, ony tórtinshi kezeńge qaldyryp otyrmyz. Eger shaǵyn dúkender sanıtarlyq talapty saqtamasa, departamentke habar berse bolady. Biz tekserip, qajet bolsa jabamyz», - dedi Nursulý Berkimbaeva.
