Aqtóbede monıtorıng toby jumysyn kúsheıtti
AQTÓBE. QazAqparat - Aqtóbede monıtorıngtik top jumysyn kúsheıtti. Іri saýda oryndary, bazarlarǵa qatysty hattama toltyrylyp, arnaıy organǵa jiberildi, dep habarlaıdy QazAqparat tilshisi.
Aqtóbede karantın shekteýi kúsheıip, oblystyń bas sanıtar dárigeri senbi-jeksenbi kúnderi saýda ortalyqtary men bazarlardyń jumysyna tyıym saldy. Monıtorıng top baqylaý júrgizip, birneshe nysannyń ruqsatsyz jumys istegenin anyqtady.
«Búgin «Mega Shyǵys» SÚ, «Mereı» SÚ, «Astana» SÚ jáne Ortalyq bazary, sondaı-aq «Sulpak», «Mechta» saýda jelileriniń Aqtóbe oblysynyń bas memlekettik sanıtarııalyq dárigeri shyǵarǵan karantındik shekteýlerdi buzǵany anyqtaldy. Tıisti shara qabyldaý úshin barlyq materıal ýákiletti organǵa jiberildi. Shekteý is-sharalaryn saqtaýdy qamtamasyz etý jónindegi jumys epıdemıologııalyq jaǵdaı turaqtalǵanǵa deıin kún saıyn jalǵasady»,- dep habarlady qalalyq montorıng tik top.
Aqtóbe qalasynyń ákimdigi qala turǵyndaryn betperde taǵý, qoldy jıi jýý, antıseptıkti paıdalaný jáne áleýmettik qashyqtyqty saqtaý talaptaryn saqtaýǵa úndedi.
Aıta keteıik, bir táýlikte 78 adamnan koronavırýs ınfektsııasy anyqtaldy. Qazir ó ńir «sary aımaqta.
