Aqtóbede monıtorıng toby birneshe toıdy toqtatty

AQTÓBE. QazAqparat – Aqtóbede toı-sadaqa ótkizgender anyqtalyp, monıtorıng toby qujatty epıdemıolog mamandarǵa jiberdi, dep habarlaıdy QazAqparat tilshisi.

Aqtóbe qalasynda koronavırýs ınfektsııasynyń taralýyna jol bermeý maqsatynda qala aýdandary ákimdigi janynan qurylǵan monıtorıng toptary reıd ótkizdi.

«Búgin karantın tártibin buzǵan 5 derek anyqtaldy. «ıÝrta», «Han Saraı», «Manas», «Kolızeı» jáne «Aq Bosaǵa» meıramhanalarynda 80-100 adam jınap, toı jáne sadaqa ótkizgender anyqtaldy. Jergilikti polıtsııa qyzmetkerleri is-sharalardy toqtatyp, qonaqtardy taratty. Materıaldar tıisti sharalar qabyldaý úshin ýákiletti organǵa jiberildi. Bul jumys epıdemıologııalyq jaǵdaı turaqtalǵanǵa deıin kún saıyn jalǵasatyn bolady», - dep habarlady Aqtóbe qalasynyń ákimdigi.

Aıta keteıik, jyl basynan beri 62 mıllıon teńgege 525 aıyppul salyndy. Úılestirý keńesi 50 nysandy jospardan tys tekserdi.

«Bir apta ishinde 73 materıal tústi. Onyń 50-in monıtorıng toby anyqtady. Karantın tártibin buzǵandar arasynda meıramhana, laýndj jáne kalıan bary bar», - dedi oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.