Aqtóbede mys kompanııasynyń jumysshysyna ken qulap, mert boldy

AQTÓBE. KAZINFORM – Aqtóbe mys kompanııasynda jumysshy kóz jumdy. Aldyn ala boldam boıynsha usaqtaýshynyń ústine ken qulap ketken.

«Aqtóbe mys kompanııasy» JShS-i Aqtóbe oblystyq eńbek ınspektsııasy basqarmasyna jumysshynyń qazasy týraly habarlama bergen.

«Jumys berýshiniń derekteri boıynsha, jazataıym oqıǵa 18 qyrkúıek kúni saǵat 22:40 shamasynda boldy. Usaqtaýshy A.Nurǵalıevke shahta keni qulap, mert bolǵan. Mundaı jaǵdaılarda QR Eńbek kodeksiniń 188-babynyń 4-tarmaǵyna sáıkes jumys berýshiniń jáne qyzmetker ókiliniń qatysýymen memlekettik eńbek ınspektory arnaıy tergeý júrgizedi. Arnaıy tergep-tekserý nátıjeleri, taraptar kinásiniń dárejesi tergep-tekserý aktisimen resimdeledi. Tergeý aıaqtalǵanǵa deıin bolǵan oqıǵa týraly qandaı da bir aqparat resmı derekter bolyp tabylmaıdy. Tergeý shamamen 20 qazanda aıaqtalady», - dep habarlady Aqtóbe oblystyq Eńbek ınspektsııasy basqarmasy.

Eske salsaq, bıyl tamyz aıynda Aqtóbe ferroqorytpa zaýyty aýmaǵynda jumysshyǵa naızaǵaı túsip, mert boldy.