Aqtóbede meıramhanalar emdeý mekemesine aınalýy múmkin
Sońǵy táýlikte óńirde 23 adam aýyryp, ınfektsııalyq gospıtalǵa jatqyzyldy. Ósim 3 paıyzdan asty. Іndet juqtyrǵandardyń kóbi jedel respıratorlyq vırýstyq ınfektsııa sımptomdarymen dáriger kómegine júgingen.
Oblysta barlyǵy 716 adam indetke shaldyqsa, onyń teń jartysynan astamy emdelip shyqqan. Al eshqandaı klınıkalyq belgisi baıqalmaıtyndar qatary 460-ke jetti.
Bir táýlikte oblysta 27 tasymaldaýshy tirkeldi.
«Tótenshe jaǵdaı kezinde qoǵamdyq tamaqtaný oryndary, meıramhanalar jumysyn toqtatty, qazir de jumys istep jatqan joq. Boljam jasaý da qıyn. Máselen, nebári 50 adamǵa qyzmet kórsete alatyn sala úshin Reseı tájirıbesi qoldanyla bastaıdy. Ol jaqtaǵy áriptesterimizben sóılesip otyramyz. Medıtsınada suranys joǵary ekenin bilip otyrmyz. Sondyqtan bul nysandardy medtsınalyq mekemege aınaldyrýǵa bolady», - deıdi «Atameken» óńirlik kásipkerlik palatasynyń dırektory Anar Darjanova.