Aqtóbede meıramhanada tóbeleskender ustaldy
AQTÓBE. QazAqparat – Aqtóbede jana jyldyq keshke baryp, meıramhanada tóbeles shyǵarǵandar ustaldy. Qylmystyq is qozǵalyp, sotaldy tergeý bastaldy, dep habarlaıdy QazAqparat tilshisi.
Áleýmettik jelide meıramhana ishindegi jappaı tóbeles týraly aqparat jan-jaqqa tarap ketti. Keıbir jeli qoldanýshylary olardy memlekettik qyzmetkerler dep aqparat taratty. Biraq olar - memlekettik mekemeniń emes, jeke kompanııa ókilderi.
«Oqıǵa 25 jeltoqsan kúni bolǵan. Qaladaǵy meıramhanalardyń birinde jańa jyldyq kesh ótkizgender tóbelesip qalǵan. Qazirgi kezde Qylmystyq kodekstiń 293-baby boıynsha is qozǵalyp, sotaldy tergeý bastaldy. Kúdiktiler ustalyp, qamaýǵa alyndy. Buzaqylyq jasaǵandardyń bári jeke mekemelerde jumys isteıdi», - dedi Aqtóbe oblystyq polıtsııa departamentiniń bastyǵy Atyǵaı Arystanov.
Aıta keteıik, buryn sottalmaǵan eki adam ustalǵan. Dene jaraqaty bolǵanymen, eshkim dárigerdiń kómegine júginbedi. Oblystyq polıtsııa departamenti uıaly telefonǵa túsirip, «memlekettik qyzmetkerler tóbelesi» dep jarııalaǵandardy anyqtaıdy.
