Aqtóbede Meıram Qajyken «StroıDetal» JShS qyzmetkerlerimen kezdesti

AQTÓBE. QazAqparat - Aqtóbede QR prezıdenttigine kandıdat Meıram Qajyken «StroıDetal» JShS qyzmetkerlerimen kezdesti, dep habarlaıdy QazAqparat kandıdattyń shtabyna siltememen.

Kezdesýde kandıdat óziniń saılaýaldy baǵdarlamasyn tanystyrdy.

Aıta keteıik, qazirde kásiporynda 500-den astam adam jumys isteıdi, olardyń 90% - kásipodaqta.

Kásiporyn qyzmetkerleri M.Qajykennen partııaǵa qatystylyǵy jaıynda surap, Qazaqstannyń syrtqy saıasaty týraly másele kóterdi.

Buǵan deıin prezıdenttikke kandıdat Meıram Qajyken Óskemen qalasyna baryp, Shyǵys Qazaqstan aýrýhanasy dıagnostıkalyq ortalyǵynyń qyzmetkerlerimen kezdeskenin jáne «Vostok moloko» korporatsııasyna barǵanyn habarlaǵan edik. Sondaı-aq kandıdat «Karavaı» JShS jáne GES ujymdarymen de kezdesti. Al Aqtóbede kandıdat rels-arqalyq zaýyt qyzmetkerlerimen kezdesti.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.