Aqtóbede meshit ishinde qyzǵa tıisken er adam jaýapqa tartyldy

AQTÓBE. KAZINFORM - Aqtóbe qalasyndaǵy ortalyq meshit ishinde kelýshige tıisken er adamdy polıtsııa bólimshege jetkizdi.

Oqıǵa 25 shilde kúni Aqtóbe qalasyndaǵy «Nur Ǵasyr» meshitinde boldy.

- Shyǵaberis esik aldynda er adam kelýshi qyzdyń jolyn bógep, ádepsiz astary bar sózder aıtqan. Atalǵan oqıǵany vıdeoǵa túsirip, áleýmettik jelige jarııalady. Aqtóbe oblystyq Polıtsııa departamentiniń qyzmetkerleri jedel-izdestirý sharalaryn júrgizdi. Er adamnyń kim ekeni anyqtaldy. Mán-jaıdy anyqtaý úshin ol ishki ister organdaryna jetkizildi. Quqyqbuzýshyǵa túsindirý jumysy júrgizildi. QR Ákimshilik quqyqbuzýshylyq týraly kodekstiń 449-baby 2-bóligine (Qoǵamdyq orynda tıisý) sáıkes ákimshilik hattama toltyryldy. Materıal sotqa jiberiledi, - dep habarlady Aqtóbe oblystyq PD baspasóz qyzmeti.

Aıta keteıik, buǵan deıin Aqtóbe turǵyny ortalyq meshitke baryp, esik aldynda ózin bógep turǵan er adam týraly jazdy. Keıin bul oqıǵa kópshilik arasynda keń tarap, talqyǵa tústi.

Buǵan deııin ózin blogermin dep tanystyrǵan aqtóbelik sottaldy. Ol jumysqa ornalastyramyn, alkogol satýǵa ruqsat alyp beremin jáne qujattardy retteýge kómektemesin dep senimge kirgen. Blogerge 3 jylǵa bas bostandyǵynan shekteý jazasy taǵaıyndaldy.