Aqtóbede meshittegi sadaqa jáshigin urlaǵan kúdikti ustaldy

AQTÓBE. QazAqparat – Qandyaǵash qalasyndaǵy «Nurtaı» meshitine urlyqqa túsken kúdikti ustaldy, dep habarlaıdy QazAqparat tilshisi.

«Meshittegi sadaqa jáshigin urlap ketken kúdikti kóp uzamaı ustaldy. Kúdikti destrýktıvti dinı aǵymda júrgen qala turǵyny bolyp shyqty. Al jınalǵan aqsha muqtaj otbasylar men balalarǵa arnalǵan bolatyn. Jáshikte 200 myń teńge bolǵan», - dedi oblystyq PD baspasóz qyzmetiniń jetekshisi Erbolat Sarqulov.

Qazirgi ýaqytta atalǵan fakti boıynsha QK 188-babynyń 1-tarmaǵy boıynsha sotqa deıingi tergeý amaldary júrgizilýde.