Aqtóbede meshitte urlyq jasaǵandar ustaldy
AQTÓBE. QazAqparat - Aqtóbe oblystyq «Nur Ǵasyr» meshitinen fotoapparat urlaǵandar qolǵa tústi, dep habarlaıdy QazAqparat tilshisi.
Aqtóbede meshitke tıisili fotoapparatty urlaǵan 45 jáne 33 jastaǵy kúdiktiler ustaldy. Olar buryn sottalǵan.
«Polıtsııa qyzmetkerleri jedel izdestirý jumystaryn júrgizip, meshit ishinde urlyq jasaǵandardy ustady. Qazirgi kezde urlanǵan fotoapparat tárkilendi. Osy oqıǵa boıynsha Qylmystyq kodekstiń «Urlyq» baby boıynsha is qozǵalyp, kúdiktilerdiń ózge qylmysqa qatysy bar-joǵy anyqtalyp jatyr»,- dep habarlady oblystyq ІІD baspasóz qyzmeti.
