Aqtóbede mereke qarsańynda memlekettik qyzmetkerlerge eskertý jasaldy
Jańa jyl merekesi qarsańynda Sybaılas jemqorlyqqa qarsy is-qımyl agenttiginiń Aqtóbe oblysy boıynsha departamenti syılyq alyp, berýge tyıym salynǵanyn habarlama arqyly taratty.
«Memlekettik qyzmet týraly» zańǵa sáıkes bul memlekettik qyzmetke kir keltiretin áreket bolyp baǵalanady.
«Sybaılas jemqorlyqqa qarsy is-qımyl týraly» zańy boıynsha laýazymdy tulǵaǵa quny 2 AEK-ke kóleminde syılyq bergeni úshin 200 AEK kóleminde, al memlekettik qyzmetshi syılyq alǵany úshin 600 AEK kóleminde ákimshilik aıyppul tóleıdi. Quny 2 AEK-ten joǵary syılyq berse, alsa qylmystyq jaýapkershilikke ákep soǵýy múmkin. Eger syılyq berse 7 kúnde arnaýly memlekettik qorǵa óteý qajet«, - dedi «Aqtóbe – adaldyq alańy» jobalyq keńsesiniń baspasóz hatshysy Zúlfııa Nabıýlına.
Sonymen qatar, týrıstik, emdeý-saýyqtyrý jáne ózge de saparlarǵa shaqyrýy qabyldaýǵa bolmaıdy. Jemqorlyqtyń aldyn alý maqsatynda «Aqtóbe – adaldyq alańy» jobalyq keńsesi Arnaıy monıtorıng tobymen birge memlekettik qyzmet salasyndaǵy birqatar mekemelerde reıd júrgizýdi josparlap otyr.