Aqtóbede memlekettik baǵdarlama aıasynda mal satyp alýǵa tıis sharýalar isti bolyp jatyr

AQTÓBE. KAZINFORM – «Sybaǵa» jáne «Agrobıznes» memlekettik baǵdarlamalary aıasynda nesıe rásimdegen sharýalar aqshany basqa maqsatqa jumsap jiberdi degen kúdikke ilikti. Qazir olarǵa bólingen qarjy 189,5 mln teńge dep eseptelgen.

Aqtóbe oblystyq prokýratýrasy jáne Aqtóbe oblysy boıynsha Ekonomıkalyq tergeý departamenti birlesip, agroónerkásip kesheni salasyndaǵy memlekettik baǵdarlamalardy iske asyrý jaıyn tekserdi. Munda kredıt rásimdep, ony maqsatsyz jumsaý deregi anyqtaldy.

- «Agrarlyq nesıe korporatsııasy» AQ-nyń Aqtóbe fılıaly «Sybaǵa» jáne «Agrobıznes» memlekettik baǵdarlamalary aıasynda mal satyp alý úshin sharýa qojalyqtaryna kredıt bergen. Alaıda 3 sharýashylyq ıesi iri qara malyn satyp almaı, jalpy somasy 189,5 mln teńge nesıe qarjysyn basqa maqsattarǵa jumsalǵan. Qylmystyq quqyq buzýshylyq belgileriniń bolýyna baılanysty materıaldar Aqtóbe oblysy boıynsha Ekonomıkalyq tergeý departamentine jiberildi. Qylmystyq kodekstiń 190-babynyń 4-bóligi (Alaıaqtyq) boıynsha sotqa deıingi tergeý júrdi, - dep habarlady Aqtóbe oblystyq prokýratýranyń baspasóz qyzmeti.

Qazir bir qylmystyq is sotqa jiberildi, al 2 is boıynsha tergeý jalǵasyp jatyr.