Aqtóbede memlekettik mekemeler men kásiporyndar jetim balalardy qamqorlyǵyna aldy
Aqtóbe oblysynyń ákimi Berdibek Saparbaev «Baqytty bala» jobasyn jarııalap, ár aýdan, aýylda bala úshin jańa múmkindiktergie jol ashylatynyn basa aıtty. Jobany iske asyrýǵa QR Bilim jáne ǵylym mınıstrligi, qaıyrymdylyq qorlar men halyqaralyq uıymdar qatysady.
«Jobanyń basty maqsaty - balalarǵa, olardyń ıntellektýaldy, fızıkalyq, rýhanı jáne adamgershilik damýyna qolaıly jaǵdaı jasaý. Ony tıimdi iske asyrý úshin bilim basqarmasy tarapynan jáne basqa múddeli organdardan jaqsy úılestirilgen jumys qajet. Biz qolymyzdaǵy barlyq múmkindikterdi barynsha paıdalanýymyz kerek», - dedi oblys ákimi Berdibek Saparbaev.
Aıta keteıik, «Baqytty bala» jobasy 8 baǵyt boıynsha iske asyrylady. Buǵan deıin habarlaǵanymyzdaı, balabaqshalarǵa planshet satyp alynady. Jalpy «Balalar IT álemi» baǵyty aıasynda jyl basynan beri ınteraktıvti jabdyqtardy, robot jınaqtaryn, oqý oryndarynyń 3D prınterlerin jabdyqtaýǵa 116,7 mıllıon teńge bólindi. Mektepter men balabaqshalardyń materıaldyq-tehnıkalyq bazasyn nyǵaıtý úshin jalpy somasy 981 mıllıon teńge bólý josparlanyp otyr.
«Satyp alynatyn tehnıka murajaı jádigeri sekildi turyp qalmaı, paıdalanylýy kerek. Sondyqtan, ustazdardy daıarlaýǵa erekshe kóńil bólý kerek», - dedi óńir basshysy Berdibek Saparbaev. Jıyn kezinde jetim balalardyń esepshotyna 12,7 mıllıon teńge aýdarylǵany belgili boldy. Jyl basynan beri barlyǵy 938 balanyń baspanaly bolýy úshin qarjy arnaıy bólinip, kómek berildi. Al úsh jetim bala óz kezegimen baspanaly boldy.