Aqtóbede memlekettik qyzmetshiler órtten zardap shekkenderge bir kúndik jalaqysyn aýdarady
Aqtóbede memlekettik qyzmetshiler Abaı oblysynda qaza tapqan ormanshylardy bir mınýt únsizdikpen eske aldy.
«Qaza tapqandardyń týystary men jaqyndarynyń qaıǵysyna ortaqtasyp, kóńil aıtamyn. Olardyń árqaısysy óz ómirin basqalar úshin qurban etip, eńbekterine naǵyz adal bolǵan jandar. Biz bul bolǵan tótenshe jaıdaıdy jáı ǵana syrttan baqylap otyrmaýymyz kerek. Men orman órtterinen zardap shekkenderge qoldaý kórsetý maqsatynda bir kúndik jalaqyny aýdarýdy usynamyn. Sondaı-aq, biz osyndaı tótenshe jaǵdaılardyń aldyn alý boıynsha tıisti sharalar qabyldaýymyz qajet», - dep atap ótti aımaq basshysy jıyn barysynda.
Eraly Toǵjanovtyń tapsyrmasy boıynsha órt-qutqarý bólimsheleriniń barlyq kúshteri men quraldaryna qaıta túgendeý jumystary júrgiziledi. Oblystyq TJ departamentiniń derekteri boıynsha oblysta 97 qosalqy, 16 arnaıy jáne 81 órt sóndirý tehnıkasy bar. Sonymen birge 5 órt sóndirý poıyzy, 2 203 adamnan turatyn 320 órtke qarsy erikti qurylym, 8 orman sharýashylyǵy bar tirkelgen.
Erikti órt sóndirýshiler beıimdelgen tehnıkanyń 713 birligimen qamtamasyz etilgen.
«Óńirde 78 myńnan astam turǵyny bar 146 eldimekende 41 órt sóndirý beketi jumys isteıdi. Beketterdiń bazasynda 25 órt sóndirý jáne 16 beıimdelgen tehnıka bar. Órtke qarsy erikti qurylymdardyń jınalý, jedel shyǵý jáne órtti sóndirý daǵdylaryn pysyqtap, ózara baılanys jasaýyn jetildirý maqsatynda Mártók, Hromtaý jáne Qarǵaly aýdandarynyń bólimsheleriniń qatysýymen órt-taktıkalyq oqý-jattyǵý jıyny ótkizildi. Aqtóbe oblysynyń orman sharýashylyǵyn damytýdyń 2021-2023 jyldarǵa arnalǵan is-sharalar jospary kezeń-kezeńimen iske asyrylyp jatyr. Jalpy 7 orman órtin sóndirý stantsııasyn salý kózdelgen»,- dep habarlady oblys ákiminiń baspasóz qyzmeti.
