Aqtóbede memlekettik qupııa qujattardy úıinde saqtaǵan polıtsııa basshysy tutqyndaldy
AQTÓBE. QazAqparat - Aqtóbede oblysynda aýdandyq Іshki ister bóliminiń bastyǵy memlekettik qupııa qujattardy saqtady degen kúdikpen tutqyndalyp, tergeý ızolıatoryna qamaldy, dep habarlaıdy QazAqparat tilshisi.
Aqtóbe oblysy Mártók aýdandyq ishki ister bóliminiń bastyǵy Evgenıı Lazarev qamaýǵa alyndy. Ulttyq qaýipsizdik komıtetiniń oblystyq departamenti men oblystyq prokýratýra tergeýshileri kúdiktini kúzetpen ustaý túrindegi bultartpaý sharasyn sanktsııalaý týraly №2 Aqtóbe qalalyq sotyna ótinishhat túsirdi.
«Sotqa deıingi tergep-tekserý organymen E.V. Lazarevqa QR QK-niń 185-baby, 3-bóligimen, 287-babynyń 3-bóligimen («Memlekettik qupııalardy zańsyz jınaý, taratý, jarııa etý», «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý») kózdelgen qylmystyq quqyqbuzýshylyq boıynsha kúdikke iligip otyr. Aqtóbe qalasynyń №2 soty E.V.Lazarevqa qatysty 2 aı merzimge kúzetpen ustaý túrindegi bultartpaý sharasyn sanktsııalady»,- dep habarlady Aqtóbe oblystyq sotynyń baspasóz qyzmetinen.
