Aqtóbede memlekettik qorǵaý aımaǵynan kıik atyp alǵan qoryqshylar sottaldy
AQTÓBE. QazAqparat - Aqtóbeniń Yrǵyz aýdanynda kıik atyp, múıizin kesip alǵan qoryqshylar sottaldy, dep habarlaıdy QazAqparat tilshisi.
Aqtóbe oblysyndaǵy Yrǵyz-Torǵaı rezervatynyń qoryqshylary kıik atyp, múıizin kesip alǵan. Buǵan deıin habarlaǵanymyzdaı, «Ohotzooprom» RMK qyzmetkerleri qoryqshylardy qylmys ústinde ustap alǵan bolatyn.
Tergeý jumystary júrip, 7 qoryqshyǵa qatysty qylmystyq iske sot úkimi shyqty. Yrǵyz aýdandyq soty Qylmystyq kodekstiń «Zańsyz ańshylyq» baby boıynsha qoryqshylardy aıypty dep tanyp, olardyń árqaısysyna 4 jyl bas bostandyǵynan shekteý jazasyn taǵaıyndady. Sonymen qatar, aıyptalýshylar memleket shyǵynyn tolyq ótedi. Shyǵyn kólemin - 40 mıllıon 842 myń teńge. Sottalýshylardyń árqaısysy úsh jyl ańshylyqpen aınalysyp, qarý-jaraq ustaý, saqtaý quqyǵynan aıyryldy.
Іs materıalyna súıensek, qoryqshylar eki «Ýaz» kóligimen qyzmettik ókilettilikterin paıdalanyp, 12 kıik atyp alǵan. Sot úkimi zańdy kúshine engen joq.
