Aqtóbede memlekettik baǵdarlamamen beriletin páterlerge qujat qabyldaý bastalady

«Aqtóbe qalalyq turǵyn úı-kommýnaldyq sharýashylyq, jolaýshy kóligi jáne avtomobıl joldary bólimi» MM turǵyn úı qoryn esepke alý sektory «Qazaqstan ıpotekalyq kompanııasy» ıpotekalyq uıymy» aktsıonerlik qoǵamynyń turǵyn úıi baǵyty boıynsha qujattardy qabyldaý bastalatyndyǵy jóninde habarlaıdy.

Baǵdarlamaǵa tek jergilikti atqarýshy organda kezekte turǵan azamattar, ıaǵnı, memlekettik turǵyn úı qorynan turǵyn úıge muqtajdar esebinde turǵan azamattar qatysa alady. Atap aıtqanda:

1) Kóp balaly otbasylar;

2) Tolyq emes otbasylar;

3) Múgedek balalary bar nemese olardy tárbıeleýshi otbasylar;

4) Jetim balalar, ata-anasynyń qamqorlyǵynsyz qalǵan balalar;

5) Oralmandar;

6) Memlekettik qyzmetshiler, bıýdjettik uıymdardyń qyzmetkerleri, áskerı qyzmetshiler jáne memlekettik saılanbaly qyzmet atqaratyn adamdar.

Turǵyn úı satyp alý quqyǵymen jalǵa berý arqyly júzege asyrylady.

Qujattardy qabyldaý aǵymdaǵy jyldyń 1-7 aqpany aralyǵynda «elektrondyq úkimet portaly» arqyly elektrondyq nusqada qabyldanatyn bolady.

Atalǵan baǵdarlama boıynsha Qonaev kóshesinen 60 páter beriledi:

1 bólmeli páter - 32 dana, (40,20 sh.m.-den 42,80 sh.m.-ge deıin);

2 bólmeli páter  - 28 dana, (51,90 sh.m.-den 61,50 sh.m.-ge deıin);

Turǵyn úı satyp alý quqyǵymen 20 jylǵa deıingi merzimge jalǵa beriledi. Turǵyn úıdi jaldaý aqysy 1 sharshy metr úshin 918 teńgeni quraıdy.

Ótinish berý kezinde qatysýshy qandaı aýdanǵa jáne qansha bólmege úmitker ekenin kórsetý qajet. Kezek ártúrli aýdanǵa sáıkes qurylady.

Jarııalanǵan páterler boıynsha úmitkerlerdiń tizimi qujattar qabyldanǵannan keıin jergilikti atqarýshy organǵa memlekettik turǵyn úı qorynan turǵyn úıge alǵashqy ótinish bergen kúnine baılanysty qurylady.

Jaldamaly turǵyn úıdi alý úshin jergilikti atqarýshy organda kezekte turǵan azamat tólem qabilettiligin rastaýy tıis, tólem qabilettilikti «Qazaqstan ıpotekalyq kompanııasy» ıpotekalyq uıymy» aktsıonerlik qoǵamy tekseredi.

Tólem qabilettiligin rastaǵannan keıin qatysýshy turǵyn úıge úmitkerler tizimine qosylady. Úmitkerler tizimi komıssııa múshelerimen bekitilip, turǵyn úı alý úshin «Qazaqstan ıpotekalyq kompanııasy» ıpotekalyq uıymy» aktsıonerlik qoǵamyna joldanady.

Jalǵa beriletin turǵyn úı jergilikti atqarýshy organmen qurylǵan baǵdarlama qatysýshylar arasynda kelesi proportsııaǵa sáıkes bólinedi:

- 50% - birinshi kishi top qatysýshylary úshin;

- 50% - ekinshi kishi top qatysýshylary úshin.

Birinshi kishi topqa jergilikti atqarýshy organda kezekte turǵan, erli-zaıyptylardyń ekeýiniń de jasy 35 jasqa jetpegen, keminde 3 jyl nekede turǵan, balalary bar, sonymen qatar, balalardy (balany) ata-anasynyń bireýi tárbıelep otyrǵan 35 jasqa tolmaǵan, sonyń ishinde ajyrasqan, jesir, tolyq emes otbasylar kiredi.

Ekinshi kishi topqa 1 topqa jatpaıtyn, atalǵan sanattar boıynsha jergilikti atqarýshy organda kezekte turǵan azamattar kiredi.

Kezektegi azamatqa ótinish berý úshin halyqqa qyzmet kórsetý ortalyǵynan elektrondyq-sandy qoltańba alyp, elektrondyq úkimet portalyna kirý jáne Jyljymaıtyn múlik bóligindegi Óńirlerdi damytýdyń 2020 jylǵa deıingi baǵdarlamasy sheńberinde turǵyn úı alý úshin І jáne ІІІ toptaǵy azamattardan ótinishter men qujattardy qabyldaý qyzmetin tańdaýy qajet.

Atalǵan qyzmetke tapsyrys berý kezinde tarmaqtardaǵy suraqtarǵa jaýap berý qajet (tirkelgen jeri týraly málimet, ózinde jáne otbasy múshelerindeturǵyn úıiniń joqtyǵy týralymálimet, baılanys telefondary jáne elektrondyq poshtasy) jáne qajet kezinde aldyn-ala skanerlengen qujattardy bekitý qajet.

Bıýdjettik saldadaǵy qyzmetkerler skanerlengen jumys ornynyń anyqtamasyn, al turǵyn úıde úlesteri bar azamattar soǵan sáıkes skanerlengen qujattaryn bekitý kerek.

Nazarlaryńyzǵa: balalardyń týýy týraly kýálikterin, neke qııý týraly kýáligin (neke buzý, № 4 nysandaǵy anyqtama, ákesi dep taný týraly kýálik) 2008 jylǵa deıingi qujattar mindetti túrde skanerlenip bekitilýi qajet.