Aqtóbede memqyzmetshiler onlaın túrde biliktiligin arttyrýda

AQTÓBE. QazAqparat - Aqtóbede memlekettik qyzmetshilerdiń biliktiligin arttyrý onlaın rejımde ótýde, dep habarlaıdy QazAqparat tilshisi.

Tótenshe jaǵdaı talabyna baılanysty Memlekettik basqarý akademııasynyń fılıaly onlaın-oqytý rejımine kóshti.

Fılıal dırektory Saıda Sadýaqasovanyń aıtýynsha, bilim berý uıymy memlekettik qyzmetshilermen qashyqtan baılanys ornatyp, onlaın oqytýdy ótkizýge arnalǵan materıaldar ázirlendi. Búgin «Kóshbasshylyqqa qol jetkizý strategııalary» taqyrybynda alǵashqy semınar uıymdastyryldy.

«Semınarda 22 tyńdaýshy biliktiligin arttyrýda. Aqtóbe oblystyq ekonomıka jáne bıýdjettik josparlaý basqarmasy, energetıka jáne turǵyn-úı kommýnaldyq-sharýashylyq basqarmasy, eńbek ınspektsııasy jónindegi basqarma, tilderdi damytý boıynsha basqarma jáne aýdan men qala ákimdigi apparatynyń, qurylymdyq bólimderdiń aýyldyq okrýgterdiń bas mamandary qatysty. Onlaın oqytý ZOOM, Microsoft Teams, Moodle platformalarynda júrgizilýde», -dedi Saıda Sadýaqasova.

Semınardyń ashylýyna qatysqan oblystyq memlekettik qyzmet isteri departamenti basshysynyń orynbasary Rafhat Bısenov memlekettik qyzmetshilerdi oqytýdyń úzdiksiz ótkizilýiniń mańyzdylyǵyn atap ótip, alǵashqy onlaın-semınar jumysyna sáttilik tiledi.