Aqtóbede mektepter men medıtsına mekemeleri joǵary jyldamdyqty ınternetpen qamtylady
Oblys ákimi Eraly Toǵjanov tıisti tapsyrmany «Tsıfrlandyrý, ǵylym jáne ınnovatsııa arqyly tehnologııalyq serpilis» ulttyq jobasyn júzege asyrý taqyrybynda ótken jıynda berdi.
Jıynǵa birqatar memlekettik organ basshylary jáne Aqtóbe qalasy men aýdan ákimderi qatysty.
Tsıfrlyq tehnologııalar basqarmasynyń basshysy Áset Otarbaev baıandama jasady.
Aıta keteıik, Aqtóbe oblysynda 281 aýyldyq mektep bar bolsa, onyń 262-si nemese 93,2
paıyzy jyldamdyǵy 8 Mbıt/s jáne odan joǵary ınternetpen qamtylǵan.
19 aýyl mektebinde búkilálemdik jelige qosylý jyldamdyǵy sekýndyna 4 megabıtten
aspaıdy.
Óńir basshysy mektepterdegi ınternet jyldamdyǵyn kóterý jumystaryn tezdetýdi
tapsyrdy.
«Bilim basqarmasy tsıfrlyq tehnologııalar basqarmasymen jáne baılanys operatorlarymen birge osy aptada tehnıkalyq múmkindikterdi qarastyryp, mektepterdegi baılanys sapasyn jaqsartý joldaryn usynýy kerek»,- dedi E.Toǵjanov.
Budan bólek, shalǵaı eldimekenderdegi medıtsınalyq mekemelerdi keńjolaqty ınternet jelisine qosý jáne jyl sońyna deıin Aqtóbe qalasy aýmaǵyndaǵy 5 myń gektar jerdi tsıfrlandyrý tapsyryldy.
Jalpy «Tsıfrlandyrý, ǵylym jáne ınnovatsııa arqyly tehnologııalyq serpilis» ulttyq jobasy 44 kórsetkishten turady.
Onyń 12-si 2021-2025 jyldarǵa arnalǵan Aqtóbe oblysyn damytý baǵdarlamasyna engizilgen.
Áset Otarbaev ulttyq joba qoıǵan mindetterdi júzege asyrýda problema joq ekenine jáne bári keste boıynsha júrip jatqanyna sendirdi.
Óńir basshysy bul suraqty únemi baqylaýda ustap, barlyq baǵyt boıynsha málimetterdiń shynaıylyǵyn qamtamasyz etýdi, sonymen qatar onlaın formattaǵy memlekettik qyzmetterdiń úlesin arttyrý jáne ІT mamandary daıarlaý jumystaryn kúsheıtýdi tapsyrdy.
