Aqtóbede mektepter dástúrli oqý tártibine kóshe bastaıdy - qaýly
AQTÓBE. QazAqparat - Aqtóbede shekteý sharasy jeńildedi. ІІ-toqsanda oqýshylar mektepke baryp, bilim alady, dep habarlaıdy QazAqparat tilshisi.
Aqtóbe oblysynyń bas sanıtarııalyq dárigeriniń qaýlysyna sáıkes áli de konferentsııalar, kórmeler, forýmdar, oıyn-saýyq, sporttyq, sondaı-aq adamdar kóp jınalatyn otbasylyq, saltanatty, estelik jáne basqa da is-sharalardy, onyń ishinde úıde, mıtıngter, sherýler, jıyndar ótkizýge tyıym salynǵan. Oıyn-saýyq mekemeleriniń (karaoke, bılıard, kompıýterlik klýbtar, túngi klýbtar, boýlıng ortalyqtary, kalıan (onyń ishinde qoǵamdyq tamaqtandyrý obektileri janyndaǵy), balalar oıyn alańdary jáne attraktsıondar, jabyq úı-jaılardaǵy, batýttar jáne basqalar), býkmekerlik keńselerdiń jáne loto-klýbtardyń qyzmetterine, onyń ishinde lotereıa utystary, balalardy saýyqtyrý lagerleri qyzmetine, kezekshi toptardy qospaǵanda, mektepke deıingi balalar mekemeleriniń qyzmetine, fýdkort, banket zaldarynyń qyzmetine, akvaparkterdiń jumysyna shekteý jalǵasady.
«Jeksenbi jáne mereke kúnderi saýda-oıyn-saýyq ortalyqtary, azyq-túlik emes jáne azyq-túlik satatyn jabyq bazarlar jumysyn toqtatady. Ekinshi toqsanynan bastap kontıngenti 300 oqýshy bolatyn mektepter dástúrli oqý tártibine kóshedi. Synyptaǵy oqýshy sany 15-ten aspaýy tıis. Jalpy bilim beretin mektepterde 1-5 synyptar boıynsha, halyqaralyq mektepterde 7 synypqa deıin kezekshi synyptar ashylady», - dep jazylǵan Aqtóbe oblysynyń bas memlekettik sanıtarııalyq dárigeri Nursulý Berkimbaevanyń jańa qaýlysynda.
Qaýlynyń tolyq mátinin myna jerden oqıǵa bolady.
