Aqtóbede «Mektepke jol» aktsııasynyń barysynda demeýshiler qarajaty esebinen balalarǵa 1,8 mln. teńgege kómek jasaldy
AQTÓBE. 15 tamyz. QazAqparat - Aqtóbe qalasynda ata-analar, pedagogtyq ujymdar, jeke jáne zańdy tulǵalardyń qatysýymen «Mektepke jol» aktsııasy ótýde.
Qalalyq ákimdiktiń baspasóz qyzmetinen habarlaǵandaı, aktsııa barysynda «Jappaı oqý» qorynyń, sondaı-aq demeýshilik qarajat esebinen jeńildik sanatyndaǵy 3 000-nan astam mektep oqýshysyn kıimmen jáne oqý quraldarymen qamtamasyz etý josparlanǵan.
Osylaısha, 1-10 tamyz aralyǵynda turmysy nashar otbasylardan shyqqan, múgedek, jetim balalardyń 277-sine 2,1 mln. teńge kóleminde materıaldyq kómek kórsetildi, sonyń 282 400 teńgesi - bıýdjettik qarajat esebinen alyndy, qalǵan 1,8 mln. teńge demeýshilerden kelip tústi.
Jappaı oqý boıynsha eki aılyq jáne «Mektepke jol» qaıyrymdylyq aktsııasynyń barysynda aǵymdaǵy jyldyń 1 qyrkúıegine deıin úı-úıdi aralaý sharalary ótedi. Bilim uıymdarynda «Senim telefondarynyń» jumysy jańartylýda, sondaı-aq saýaldar úshin jáshikter ornatylǵan. Aktsııanyń qorytyndylary 2012 jyldyń 25 qyrkúıeginde shyǵarylady.
