Aqtóbede mektepke qujat qabyldaý ýaqytsha toqtatyldy
AQTÓBE. QazAqparat - Aqtóbede birinshi synypqa qabyldaý keıinge shegerildi, dep habarlaıdy QazAqparat tilshisi.
«Mektepke deıingi uıymǵa, mektepke qabyldaý da 1 tamyzǵa deıin ýaqytsha toqtatylady. Sebebi emhanalardyń karantınge jabylýyna baılanysty balalardyń densaýlyǵy týraly 026/ý jáne 063/ý sekildi anyqtamalaryn alý múmkin bolmaı otyr. Qujat tapsyryp úlgermegen ata-analardyń alańdaýyna esh negiz joq. Epıdemıologııalyq ahýal turaqtalǵannan keıin balalar mektepke deıingi uıymǵa, mektepke qabyldanady. Barlyǵy balalardyń densaýlyǵy men ómir qaýipsizdigi úshin jasalyp otyr. Sonymen birge konsýltatsııalyq kómek kórsetý úshin bilim basqarmasynyń jedel jeli, senim telefondaryna 55-17-92, 54-03-52, 8-702-031-25-22, basqarma basshysy L. Orazbaevanyń 8 701 722 05 63 WhatsApp nómirine habarlasýǵa bolady», - dep habarlady Aqtóbe oblysynyń bilim basqarmasy.
Eske salsaq, balabaqshalar jumysy 25 maýsymnan bastap toqtatylady. Kezekshi toptar da jumys istemeıdi.
