Aqtóbede mektepke «bomba qoıǵan» kúdikti ustaldy

AQTÓBE. QazAqparat - Aqtóbede «mektep ishinde jarylǵysh zat bar» dep jalǵan aqparat bergen kúdikti ustaldy, dep habarlaıdy QazAqparat tilshisi.

Oqıǵa 26 qańtar kúni saǵat 15:55-te tirkeldi. Aqtóbe oblysy, Muǵaljar aýdandyq polıtsııa bólimine «№5 Qandyaǵash orta mektebine jarylǵysh zat qoıyldy» degen aqparat tústi.

«Polıtsııa qyzmetkerleri mektep kúzetshilerin syrtqa shyǵardy. Keıin saperler mektep ishin qarap shyqty. Jarylǵysh zat tabylǵan joq. Osy oqıǵa boıynsha ishimdik ishken jergilikti turǵyn ustaldy. Qylmystyq kodekstiń «Terrorızm aktisi týraly kórineý jalǵan habarlaý» baby boıynsha sot aldy tergeý júrip jatyr. Kúdikti ýaqytsha tergeý ızolıatorynda otyr», - dep habarlady oblystyq polıtsııa departamentiniń baspasóz qyzmeti.