Aqtóbede mektepke bir aptada 2 márte «bomba qoıyldy»
AQTÓBE. QazAqparat - Aqtóbelik mektepterdiń birine bomba qoıyldy degen habarlamadan keıin oqýshylar men qyzmetkerler evakýatsııalandy, dep habarlaıdy Polisia.kz.
26 qańtar kúni saǵat 10:15-te №51 mektep-gımnazııasynyń elektrondy mekenjaıyna mektepke bomba qoıylǵany týraly habarlama kelip tústi.
Barlyq shuǵyl qyzmetter dereý oqıǵa ornyna shyqty, oqýshylar, oqytýshylar quramy men tehnıkalyq personal evakýatsııalandy.
Barlyǵy 550-den astam adam qaýipsiz jerge shyǵaryldy.
Arnaıy bólimshe saperleri barlyq ǵımarattarǵa tekserý júrgizdi. Jarylǵysh qurylǵy tabylǵan joq.
Atalǵan fakti boıynsha sotqa deıingi tergeý bastaldy.
Polıtsııa departamenti kúdiktini anyqtaýǵa jáne ustaýǵa baǵyttalǵan jedel is-sharalar júrgizýde.
Esterińizde bolsa, osydan bir aptadaı ýaqyt buryn atalǵan mektepke bomba qoıyldy degen habarlamadan soń 600 adam evakýatsııalanǵan bolatyn.
Ázirge habarlama jazǵan adam áli tabylmady.
