Aqtóbede mektep túlegin pyshaqtap óltirgen kúdikti qamaýǵa alyndy
AQTÓBE. QazAqparat - Aqtóbede mektep túlegi Azat Dúsipovty pyshaqtap óltirgen kúdikti qamaýǵa alyndy. Qazirgi ýaqytta Qylmystyq kodekstiń «Adam óltirý» baby boıynshy is qozǵaldy, dep habarlaıdy QazAqparat tilshisi.
Aqtóbe qalasyndaǵy №19 orta mektep túlegi Azat Dúsipov pyshaq jaraqatynan kóz jumdy. Buǵan deıin habarlaǵanymyzdaı, oqıǵa maýsym aıynyń 17-nen 18-ne qaraǵan túni Aqtóbe qalasynyń Týrgenev kóshesinde bolǵan.
«Aqtóbe qalalyq №2 sotynyń 2018 jylǵy 20 maýsymdaǵy Qaýlysymen QR Qylmystyq kodekstiń «Adam óltirý» babynyń 2-tarmaǵy boıynsha kúdikti retinde tanylǵan kámelet jasqa tolmaǵan B. qatysty «kúzetpen ustaý» túrindegi bultartpaý sharasy sanktsııalandy»,- dep habarlady oblystyq sottyń baspasóz qyzmeti.
