Aqtóbede mektep túlegi pyshaq jaraqatynan kóz jumdy
AQTÓBE. QazAqparat - Aqtóbede qalasyndaǵy №19 mektep túlegi pyshaq jaraqatynan kóz jumdy. Oqıǵa maýsym aıynyń 17-nen 18-ne qaraǵan túni Aqtóbe qalasynyń Týrgenev kóshesinde boldy, dep habarlaıdy QazAqparat tilshisi.
Aqtóbe qalasynda qaıǵyly oqıǵa tirkeldi. №19 orta mekteptiń 18 jastaǵy túlegi qaıtys bolyp, ózge mekteptiń 17 jastaǵy túlegi qazir oblystyq balalar klınıkalyq aýrýhanasynda jatyr. Bas báriger Nurlan Kojınniń aıtýynsha, pyshaq jaraqatyn alǵan mektep túleginiń jaǵdaıy aýyr,. Al qaza bolǵan mektep túlegin jerleý úshin ata-anasy balasynyń denesin Qarǵaly aýdanynyń Badamsha aýylyna alyp ketken.
«Men qaza bolǵan balany jaqsy tanımyn. Onyń otbasynda 4 bala bar. Úıdiń úlkeni mektep bitirip, anasy «taıaýda UBT tapsyrady» dep júrgen. Dúısenbi kúni tańda qatty jylaǵan daýys shyǵyp, bárimiz dalaǵa shyqtyq. Úıine kirip, bolǵan jaıdy estidik. Bala óte kishipeıil, sálem berip, amandyǵymyzdy bilip turatyn. Ata-anasy qazir qalada joq. Olar jerleý rásimin aýylda ótkizý úshin Badamshaǵa ketti, on kún boıy sol jaqta bolady», - dedi aty-jónin aıtýdan bas tartqan mektep túleginiń kórshisi.
Aıta keteıik, qaıǵyly oqıǵa Aqtóbe qalasynyń Týrgenev kóshesinde boldy. Medıtsınalyq ýnıversıtet jataqhanasy mańynda qan izderi sol kúıi qalǵan. Oqıǵa kýágerleriniń aıtýynsha, tóbelesti kórip, pyshaq jaraqatyn alǵan túlekke aldymen jedel járdem, keıin polıtsııa qyzmetkerleri shaqyryldy.
