Aqtóbede mektep oqýshysynan menıngokokty ınfektsııa tabyldy
AQTÓBE. QazAqparat - Aqtóbede 16 jastaǵy mektep oqýshysynan menıngokokkty ınfektsııa tabyldy. Barlyǵy 39 adam tekserýden ótti, dep habarlaıdy QazAqparat tilshisi.
2 jeltoqsan kúni mektep oqýshysynan menıngokokty ınfektsııa anyqtaldy. 16 jastaǵy oqýshy jótelip, murynnan sý aqqan. Sýyq tııý, tamaq aýyrý sımptomdary 25 qarashada bastalǵan.
«Naýqas óz betimen dene qyzýyn túsiretin preparattar qabyldap, medıtsınalyq kómekke kesh júgingen. 2 jeltoqsanda jaǵdaıy nasharlaǵannan keıin, ıaǵnı, aýrý bastalǵannan 7 kún ótken soń naýqas medıtsınalyq kómekke júginip, Aqtóbe oblystyq klınıkalyq juqpaly aýrýlar aýrýhanasyna jatqyzyldy. Búgingi kúni ol statsıonarlyq em alyp jatyr. Bakterıologııalyq zertteý qorytyndysy boıynsha naýqastyń qanynan menıngokokty ınfektsııanyń qozdyrǵyshy anyqtaldy. Juqpaly aýrýlar oshaǵynda naýqaspen qarym-qatynasta bolǵan 39 adam bakterıologııalyq tekserildi, nátıjeleri anyqtalady. Qarym-qatynasta bolǵandar medıtsınalyq baqylaýǵa alyndy», - dep habarlady Aqtóbe oblysy Qoǵamdyq densaýlyq saqtaý departamenti.
Aıta keteıik, Aqtóbe oblysy aýmaǵynda 11 aı ishinde menıngokokty ınfektsııanyń 6 jaǵdaıy tirkeldi. Aýrýshańdyq kórsetkish 100 myń turǵynǵa shaqqanda 0,70 qurady. Jas ereksheligi boıynsha 14 jasqa deıingi balalar arasynda 4 jaǵdaı tirkeldi.
