Aqtóbede mektep oqýshysyn zorlaǵan kúdikti ustaldy
AQTÓBE. QazAqparat - Aqtóbede 9 jastaǵy mektep oqýshysyn zorlaǵan kúdikti ustaldy, dep habarlaıdy QazAqparat tilshisi.
«Aqtóbelik polıtseıler 12 jeltoqsanda kámeletke tolmaǵan balaǵa qatysty asa aýyr qylmysty ashty. Jedel-tergeý is-sharalary barysynda polıtsııa qyzmetkerleri buryn sottalmaǵan 21 jasar kúdiktini ustady. Bul qylmysty ashýǵa ІІM Krımınaldyq polıtsııa departamenti bastyǵynyń orynbasary basshylyq etken arnaıy jedel-tergeý toby aınalysty.QR QK 120-bap 4-tarmaǵy jáne 121-bap 4-tarmaǵy boıynsha sotqa deıingi tergeý júrgizilýde», - dedi oblystyq PD baspasóz qyzmetiniń jetekshisi Erbolat Sarqulov.
Eske salsaq, ІІM krımınaldyq polıtsııa departamentiniń jetekshisi bastaǵan top óńirde júr.
