Aqtóbede mektep oqýshysy jedel járdem jetpeı kóz jumdy
AQTÓBE. QazAqparat - Aqtóbede oqýshy jedel járdem brıgadasy jetpeı kóz jumdy, dep habarlaıdy QazAqparat tilshisi.
Oqıǵa «Nur Aqtóbe» yqsham aýdanyndaǵy turǵyn úılerdiń birinde boldy.
Áleýmettik jelige taraǵan vıdeodan belgili bolǵandaı, es-tússiz jatqan qyzdy er bala men anasy ustap otyrady. Er bala qyzdyń aýzyna qasyq sekildi zat salyp, anasy balasynyń qolynan ustap, dárigerlerdi kútip alady. Biraq dárigerler tek oqýshynyń ólimin tirkedi.
Biz oqıǵanyń mán-jaıyn kóz jumǵan oqýshy Іnjý Jankınanyń anasy Dınara Baımaǵambetova ózi aıtyp berdi.
«Men balamdy uıyqtap jatyr dep oıladym. Aldymen qyzýy kóterilip, jedel járdem shaqyryldy. Medıtsınalyq kómek saǵat boıy kelmedi. Osylaı ekinshi qyzymnan aıyryldym. 2011 jyly dál osylaı Aıgerim esimdi qyzym kóz jumdy. Mynaý ekinshi jaǵdaı. Sondyqtan polıtsııaǵa aryz jazdym», - dedi Dınara Baımaǵambetova. 
Oryn alǵan oqıǵaǵa baılanysty oblystyq densaýlyq saqtaý basqarmasy búgin túsinik beretindigin habarlady.
Eske salsaq, osy jyldyń sáýir aıynda Aqtóbedegi №38 orta mektepte oqýshy qyz sabaq ústinde kóz jumdy. Dárigerler oqýshynyń qazasy júreginiń kenetten toqtaýynan bolǵan dep aıtty.
