Aqtóbede mektep oqýshysy Pýshkınniń poemasyna arnaǵan kesteli kartınalaryn satýǵa shyǵarmaq
AQTÓBE. QazAqparat - Aqtóbe oblysy, Qarǵaly aýdanynyń mektep oqýshysy Tanzılıa Almysheva A.Pýshkınniń «Evgenıı Onegın» poemasyna arnap kartına toqydy. Qolóner sheberiniń týyndylaryn surarýshylar artyp, sońǵy kezde tapsyrys berýshiler kúrt kóbeıgen, dep habarlaıdy QazAqparat tilshisi.
Jetistikterimen ıÝNESKO quramyna engen Qarǵaly aýdandyq óner mektebiniń túlegi Tanzılıa Almysheva tórt jyldyq tájirıbesin jınaqtap, dıplomdyq jumysyna A.Pýshkınniń «Evgenıı Onegın» poemasyn tańdady. T. Almysheva balalardy ónerge baýlıtyn mektepke alǵash ret 8 jasynda baryp, osydan 3 jyl buryn keste toqý úıirmesin támamdady. Ol 13 jasynda A.Pýshkınniń «Evgenıı Onegın» poemasyn oqyp, ózine erekshe áser etken týyndyǵa arnap úsh kartınany kestelep toqydy.
«8 synypta biz A.Pýshkınniń «Evgenıı Onegın» shyǵarmasyn oqyp, poema maǵan erekshe áser etti. Dıplomdyq jumys kezinde erkin taqyryp berilip, tórt jyl boıy alǵan tájirıbeni óz týyndymda kórsetkim keldi. Sol kezde «Evgenıı Onegınniń Tatıanaǵa jazǵan hatyn» oqydym, jattap aldym. Qazir de kún saıyn eske túsirip, aıtyp júremin»,- dedi mektep oqýshysy Tanzılıa Almysheva.
Pýshkınniń shyǵarmasyna arnalǵan kartınanyń negizgi ıdeıasyn oqýshy men ustazy birlese iske asyrdy. Sóıtip, Evgenıı Onegın, Tatıana Larına men A.Pýshkınge arnalǵan úsh kartınanyń árqaısysyn kesteleýge bir aı ýaqyt qajet bolǵan. Mektep oqýshysy ónerli, alǵyr. Ol fortepıano, bı úıirmelerine qatysyp, ár salany jetik meńgergen. Ár kúnin josparlap, ár saǵatyn qadirleıtin Tanzılııa Almysheva bolashaqta dáriger bolýdy armandaıdy. Jańa oqý jylynda 11 synyp oqıtyn ol búginnen bastap bar zeıinin Ulttyq biryńǵaı testke arnaǵan.
«Kartınalarǵa suranys túsip jatyr. Tapsyrys berilse toqımyn. Maǵan is tikken unaıdy. Biraq bos ýaqytym tym az. Máselen, demalys kezinde men keste toqı alamyn, al sabaq kezinde qıyn bolady. Kartınany qolǵa alyp, toqyǵan kezimde kózim aýyrǵansha bir orynda tapjylmaı otyramyn. Kóbine aq pen qara tús tańdalady. Eger túrli tústi bolsa, týyndynyń áseri joǵary bolmaıdy»,- dedi mektep oqýshysy.
Aıta keteıik, Aqtóbeniń Qarǵaly aýdanyndaǵy óner mektebinde 500-den astam bala bar. Bul balalardy telefon men kompıýterden qorǵaıtyn birden-bir ortalyq.
