Aqtóbede mektep oqýshysy mototsıklmen aýdarylyp, kóz jumdy
AQTÓBE. QazAqparat – Aqtóbede jol-kólik oqıǵasy saldarynan 9-synyp oqýshysy kóz jumdy, dep habarlaıdy QazAqparat tilshisi.
Jasóspirimder jazda mototsıkl, kvadrotsıkl, skýter men moped aıdap, jol-kólik oqıǵasyna tap bolyp jatady. Kámelet jasqa tolmaǵan balalar jol erejesin jete bilmeıdi, keıde mán bermeıdi. Saldary qaıǵyly oqıǵaǵa dýshar etýi múmkin.
«Shalqar aýdany, Bazoı aýylynyń 15 jastaǵy turǵyny «Ij Planeta–5» markaly mototsıkldi aıdaǵan. Ol basyna arnaıy baskıim kımegen. Bazoı aýylynan 3 shaqyrym uzap, rýlge ıe bola almaı qalǵan. Saldarynan aýdarylyp, dene jaraqatymen aýyldaǵy emhananaǵa tústi. Ol sol jerde kóz jumdy.
Balaǵa aldymen jol erejesin túsindirip, sodan keıin ǵana velosıped, motoroller satyp alýyńyz kerek. Bul – ata-analarǵa eskertý. Júrgizýshi kez kelgen sátte durys sheshim qabyldaýy tıis. Al kámelet jasqa tolmaǵandar muny eskere bermeıdi», - dedi oblystyq Polıtsııa departamentiniń bastyǵy Atyǵaı Arystanov.
