Aqtóbede mektep oqýshysy izdestirilip jatyr
AQTÓBE. QazAqparat - Aqtóbede №31 orta mektep oqýshysy 14 jastaǵy Aınur Ótegen joǵalyp ketti. Ol 30 naýryz kúni úıinen shyǵyp ketip, qaıta oralmaǵan, dep habarlaıdy QazAqparat tilshisi.
«Qazir izdestirý sharasy júrip jatyr. Oqýshy osyǵan deıin birneshe ret iz-túzsiz úıinen ketip qalyp, keıin aman-esen tabylǵan»,- dedi oblystyq ІІD-niń baspasóz qyzmeti.
Oqýshy qyzdyń fotosy men baılanys telefony áleýmettik jeli arqyly taratylyp jatyr. Boıy 160-165 sm. Ol ústine jasyl tústi kúrteshe, qara shalbar kıgen. Qazirgi ýaqytta quqyq qorǵaýshylar adam kóp shoǵyrlanatyn oryndar men jaldamaly páterlerdi tekserip jatyr. Demalys oryndary da basty nazarda.
