Aqtóbede mektep oqýshysy joǵalyp ketti
Aqtóbe qalasynda mektep oqýshysy joǵalyp ketti. Qazir polıtsııa men eriktiler izdep jatyr, dep habarlaıdy QazAqparat tilshisi.
2010 jyly týǵan Aızere Tilepbergenova Aqtóbe qalasynyń Bókenbaı batyr kóshesindegi úıden keshe saǵat 20:00-de shyǵyp ketip, qaıta oralmaǵan. Qazir eriktiler men polıtsııa izdeý jumystaryn júrgizip jatyr.
"Bul otbasy taıaýda Aqtaýdan kóship kelgen. Ol 7 synyp oqýshysy. Qazir patrýldik polıtsııa, eriktiler toby izdeý jumysyn júrgizip jatyr",- dedi oblystyq PD baspasóz qyzmetiniń jetekshisi Erbolat Sarqulov.
"Polıtsııa, muǵalim, eriktiler sany shamamen 40-qa jýyqtaıdy. Oqýshy turatyn aýmaqqa jaqyn shaǵyn aýdandardan izdep jatyrmyz. Úı arasyn, kóshelerdi qarap júrmiz. Onyń qolynda uıaly telefony bar. Alǵashynda ony sóndirip tastaǵan. Bireýler arqyly taýyp turmyz. Sol kezde qosyp, baılanysqa shyqty. "Úıge kele jatyrmyn" dep dál qaı jerde ekenin aıtpaı tur",- dedi eriktiler tobynyń úılestirýshisi.
View this post on Instagram
