Aqtóbede mektep oqýshysy óz-ózine qol jumsady
AQTÓBE. KAZINFORM – Oqıǵa Temir aýdany Keńqııaq aýylynda boldy. Balany saraı ishinde asylyp turǵan jerinen tapqan.
Temir aýdandyq bilim bóliminiń habarlaýynsha, qazir osy oqıǵadan keıin qylmystyq is qozǵalyp, tergeý júrip jatyr.
- Tıisti organdar tarapynan jan-jaqty tekserý júrgiziledi. Oqıǵanyń mán-jaıy anyqtalyp jatyr. Bilim berý uıymy tarapynan ishki qyzmettik tekseris bastaldy. Oqýshy - tolyq otbasydan, 6 synypta oqyǵan. Qazirgi ýaqytta bala quqyqtaryn qorǵaý basqarmasy, bala quqyqtary jónindegi ýákil, mektep ákimshiligi men pedagogıkalyq ujym oqýshylardyń qaýipsizdigi men psıhologııalyq jaǵdaıyna qosymsha nazar aýdaryp, qajet bolǵan jaǵdaıda qoldaý sharalaryn kúsheıtti,- dep habarlady Temir aýdandyq bilim bólimi.
Eske salsaq, Jambyl oblysynda eki jasóspirim óz-ózine qol jumsady. Toǵyzynshy synyptyń eki oqýshysynyń denesi qoradan tabyldy.
