Aqtóbede mektep formasyn kımegen oqýshylar synyptan synypqa kóshpeýi múmkin

AQTÓBE. QazAqparat - Aqtóbe oblysynda mektep formasyn kımegen 6 oqýshy synyptan synypqa kóshirilmeı qalýy múmkin. Oqýshylarǵa úsh aı demalysta mektep baǵdarlamasyn tolyq ıgerý usynyldy, dep habarlaıdy QazAqparat tilshisi.

Aqtóbede balasyn mektepke jibermegen ata-analar aıyppul tólegen bolatyn. Buǵan deıin habarlaǵanymyzdaı, oblys ortalyǵynda ǵana emes, aýdandardaǵy balalardyń ata-analaryna 5 AEK kóleminde aıyppul salyndy.

Oqý jyly aıaqtalǵanda mektepke barmaǵan, sabaq oqymaǵan 6 oqýshy synyptan synypqa kóshpeı qalyp otyr. Olar jaz aıyndaǵy demalysta mektep baǵdarlamasyn tolyq ıgerip, toqsan qorytyndysyna shyǵýy tıis.

«Ótken oqý jylynda 340 oqýshy mektep formasyn saqtamaı, sabaqqa kelgen bolatyn. Jyl sońynda 1-6 cynyp aralyǵyndaǵy 6 bala mektep formasyn kımegeni úshin sabaqtan qaldy. Qazir Aqtóbe qalasy boıynsha- 4, Shalqar aýdanynda 2 oqýshy bar. Ata-analardyń qarsylyǵymen sabaqqa qatyspaǵan balalar 1 qyrkúıekke deıin berilgen tapsyrmany oryndap, ótkizgen oqý baǵdarlamasyn tolyq ıgerýi kerek. Eger oryndamasa, synyptap synypqa kóshirilmeıdi»,-dedi Aqtóbe oblystyq bilim basqarmasynyń basshysy Lázzat Orazbaeva.

Aıta keteıik, elimiz boıynsha jańa oqý jylynan bastap mektep ákimshiligi men ata-ana arasynda kelisimshart jasalady. Oqýshyǵa mektep formasyn saqtaý talaby mindetteledi.